Á vefsvæði Austurhafnar er að finna upplýsingar um allt er viðkemur byggingu og umhverfi. Íbúðum er skilað fullbúnum án gólfefna utan blautrýma (baðherbergi og þvottahús), sem eru flísalögð. Sérsmíðaðar innréttingar úr amerískri hnotu frá ítalska handverkshúsinu Gili Creations eru í eldhúsi, baðherbergjum og fataskápum auk annarra fastra innréttinga. Kvarts borðplötur verða við eldhúsvask, en borð yfir eldhúseyju verður klætt marmaraflísum. Almennt er íbúðunum skilað með fullbúnu eldhúsi, með tækjum af vönduðustu gerð frá Miele og Liebherr. Spansuðuhelluborð, vifta í helluborði, ofn, innbyggð uppþvottavél, ísskápur, vaskur og blöndunartæki. Snjallheimiliskerfi er í öllum íbúðum, sem gerir íbúum kleift a stýra lýsingu heimilisins, hitastigi, gluggatjöldum, sjónvarpi o.fl.

Íbúð 403 er á fjórðu hæð. Frá íbúðinni er fallegt útsýni út yfir Faxaflóa að Esjunni. Í henni eru tvennar svalir og tvö svefnherbergi, bæði með sér baðherbergi auk þess sem útgegnt er á morgunsvalir frá öðru herberginu. Lyfta opnast beint inn í íbúðina, sem tryggir næði og þægilega aðkomu. Eldhúsið er vel búið með tveimur ofnum, vínkæli og stórum ísskáp. Íbúðin er skráð 178,8 fm og því til viðbótar er 15,2 fm geymsla. Rúmgóð forstofa með gestasnyrtingu og fatahengisherbergi og þvottahúsi inn af því. Glæsileg stofa með gólfsíðum gluggum. Þaðan er gengið út á 7,4 fm inndregnar svalir þar sem horft er yfir höfnina og með útsýni til vesturs. Íbúðinni fylgja tvö stæði í aðgangsstýrðri bílageymslu, sem einungis er ætluð íbúðareigendum í Austurhöfn.