NÁNARI LÝSING: Komið er inn í hol með góðum skápum og þar inn af er lítið vinnu- eða föndurherbergi,  áður geymsla sem einnig nýtist sem slíkt.  Gengið áfram  inn í  bjart alrými með  gluggum á  2 vegu og samliggjandi eldhúsi og stofu. Eldhús er með hvítri innréttingu með eldavél og viftuháf. Svefnherbergið er rúmgott með góðum fataskápum. Baðherbergið er með flísum á veggjum, salerni, sturtu og hvítri innréttingu. Tengt er fyrir þvottavél á baði.  Lítil geymsla á sameiginlegum geymslugangi fylgir íbúðinni. Sameiginlegt þvottahús með vélum í eigu húsfélagsins er á hæðinni.

Á íbúðinni er nýtt parket og nýlokið er viðhaldi kringum glugga og hurð með útgengi á stétt. Íbúðin er nýmáluð.

Eigninni fylgir stétt, afnotareitur, utan við svaladyr sem líkast til mætti stúka af. Árið 2002 var búið að samþykkja byggingu 17,2 m2 sólskála út af stofu, á fyrrnefndum afnotareit, eins og sýnt er á meðfylgjandi teikningu. Ekkert varð þó af framkvæmdum. Líklegt er að byggingarleyfið megi fá endurnýjað en að til þess þurfi að afla aftur samþykkis allra hlutaðeigandi aðila.

Á hæðinni er góð sameiginleg setustofa og frá henni er útgengt út á baklóðina sem er með grasflöt, fallegum trjágróðri og stórri hellulagðri verönd. Húsvörður er í húsinu.
Húsið var viðgert að utan árið 2017 og málað sumarið 2018.
Íbúin er laus við kaupsamning.

Allar nánari upplýsingar gefur Friðrik Þ. Stefánsson lögmaður í s. 616 1313 og fridrik@miklaborg.is og Ólafur Finnbogason lögg. fasts.