Heimasíða með nánari upplýsingum: www.105midborg.is  

Tengill á þessa íbúð. nr 510 

Fjölbreytileiki ræður ríkjum í íbúðabyggingum í hverfinu, hvort sem er litið er til skipulags, útlits, herbergjafjölda eða stærða íbúða, sem þar verða í boði. Stórkostlegt útsýni er til norðvesturs yfir sundin blá, en einnig til suðausturs yfir græna og gróna byggð og útivistarsvæði Laugardalsins.

Stuðlaborg er 77 íbúða bygging í 5 stigahúsum og verður eitt vandaðasta íbúðarhúsið í hverfinu. Innréttingar og tæki af viðurkenndum og vönduðum gerðum.  Borðplötur innréttinga verða úr kvartsteini. Gólfhitakerfi verður í öllum íbúðum og njóta gólfsíðir gluggar byggingarinnar sín þannig eins og best verður á kosið.  Öll rými verða að fullu loftræst inn og út og þarf því ekki að opna glugga til að fá ferskt loft inn í íbúðarrými. Loftræstingin tryggir betri loftgæði og er góð vörn gegn raka og ryki. Hljóðvist í húsinu er í hávegum höfð hvort sem um er að ræða hljóð utan eða á milli íbúða hússins. Uppbygging útveggja og þaks sem og hljóðeinangrun glugga er eins og best verður á kosið að teknu tilliti til hljóðvistar. 

Alls verða bílastæði fyrir rúmlega 500 bifreiðar í sameiginlegri bílageymslu undir svæðinu, þar sem auðvelt aðgengi verður að rafhleðslustöðvum. 

Hönnuðir byggingarinnar eru hin heimsþekkta danska arkitektastofa Schmidt/Hammer/Lassen og íslenska arkitektastofan VA arkitektar. SHL hafa hannað margar heimsþekktar byggingar víða um heim líkt og konunglega bókasafnið í Kaupmannahöfn, „Kristallinn“ í Kaupmannahöfn. Arkitektastofa Schmidt/Hammer/Lassen hannaði einnig Skuggahverfið í Reykjavík. VA arkitektar hafa unnið til fjölda verðlauna fyrir verk sín, þar á meðal hefur stofan fjórum sinnum verið tilnefnd fyrir hönd Íslands til hinna virtu Mies van der Rohe. Byggingaraðili er ÍAV hf.  ÍAV hf. er eitt stærsta og öflugasta verktakafyrirtæki Íslands í dag. Eitt stærsta verk ÍAV er Harpa, ráðstefnu og tónlistarhús Reykjavíkur.

Ásgrímur Ásmundsson, s 865-4120 - asi@miklaborg.is

Páll Þórólfsson   s: 893 8829 - pall@miklaborg.is