Hvassaleiti
61
103  Reykjavík
Iceland
118.000.000,00
Raðhús
5.00 herb.
191.90 m2

Stærð: 
192 m2
Herbergi: 
5 herb.
Stofur: 
2
Svefnherbergi: 
4
Baðherbergi: 
2
Byggingarár: 
1961
Verð: 
118.000.000
Fasteignamat: 
84.200.000
Áhvílandi lán: 
0 %
Byggingargerð: 
Raðhús
Nánari lýsing: 

Miklaborg kynnir: fallegt 191,9 fm enda raðhús á tveimur hæðum auk kjallara með innbyggðum bílskúr og glæsilegum garði við Hvassaleiti. Húsið er byggt af núverandi eigendum og er afar vel skipulagt, m.a. með stórum stofum, tveimur baðherbergjum, þremur til fjórum svefnherbergjum, og rúmgóðum kjallara þar sem mögulegt er að útbúa aukaíbúð með sérinngangi. Eignin verður sýnd eftir pöntunum, sunnudaginn 15. maí. Bókið skoðun hjá Árna í síma: 625-2500 - arni@miklaborg.is

Eignin skiptist í : jarðhæð, efri hæð og kjallara.

Jarðhæð: komið er inn í forstofu með fatahengi og flísum á gólfi, þaðan er komið inn í hol með parketi á gólfi. Inn af holi er flísalögð gestasnyrting með glugga. Eldhúsið er rúmgott og bjart, með gluggum á tvo vegu, eldhúskrók og upprunalegri innréttingu úr tekk. Stofurnar tvær eru samliggjandi, með stórum gluggum og þaðan er útgengt á góðar og skjólsælar svalir til vesturs.

Efri hæð: teppalagður stigi tengir hæðirnar saman, við stigann er stór gluggi sem hleypir inn fallegri birtu. Gengið er upp í parketlagt hol. Á efri hæðinni er baðherbergi með baðkari og glugga, fjögur svefnherbergi (samkvæmt teikningu) en búið er að sameina tvö þeirra í eitt stórt svefnherbergi, sem er teppalagt. Hin svefnherbergin eru parketlögð og úr einu svefnherbergjanna er útgengt á stórar þaksvalir.

Kjallari: gengið er úr holi niður teppalagðan stiga í ca. 40 fm kjallara. Á vinstri hönd er huggulegt herbergi með glugga og á hægri hönd er rúmgott þvottahús. Inn af þvottahúsi er rými sem notað hefur verið sem lítil vinnuaðstaðaSér inngangur er inn í kjallarann úr bakgarði hússins. Mögulegt væri að útbúa aukaíbúð með sérinngangi í kjallara.

Lóðin: er öll hin glæsilegasta, gróinn og fallegur garður er allt í kringum húsið. Framan við húsið er hellulagt bílaplan með hita, innbyggður bílskúr, og snyrtilegur garður með fallegum gróðri, m.a. sýrenu. Hellulagður göngustígur tengir fram- og bakgarðinn saman. Bakgarðurinn snýr í vestur og er með miklum og fallegum gróðri.

Eignin er að mestu upprunaleg en er þó mjög snyrtileg í alla staði. Frábært tækifæri til að eignast enda raðhús á stórri lóð í rólegum botnlanga í eftirsóttu hverfi, þar sem öll þjónusta, skólar, íþróttastarf og ýmis afþreying er í göngufæri.

Eignin verður sýnd eftir tímapöntunum, vinsamlega bókið skoðun. Allar nánari upplýsingar gefur: Árni Davíð Bergs, í síma: 625-2500 eða arni@miklaborg.is eða Elín Alfreðsdóttir, löggiltur fasteignasali í síma: 899-3090 eða elin@miklaborg.is

Árni Davíð Bergs
gsm: 
625 2500

Nýbyggingar

Finndu draumaíbúðina þína… Stakkholt – Mánatún – Þorrasalir

Smelltu hér

Eignaleit

Dýnamísk leit skýrt, fljótlegt og auðfundið. Er draumaeignin þín hér?

Smelltu hér